[រឿងរ៉ាវពិតដ៏រំជួលចិត្ត] ពីនារីរងគ្រោះដោយជំងឺផ្លូវចិត្តធ្ងន់ធ្ងររហូតត្រូវចងច្រវាក់ មកជាបុគ្គលដែលអាចវិលត្រឡប់មករកភាពប្រក្រតីវិញ ក្រោមជំនួយពី TPO កម្ពុជា។តើអ្នកដឹងទេថា វិបត្តិផ្លូវចិត្តធ្ងន់ធ្ងរអាចបំផ្លាញជីវិតមនុស្សម្នាក់ និងគ្រួសារទាំងមូល ប្រសិនបើមិនទទួលបានការព្យាបាលត្រឹមត្រូវ? នេះជារឿងរ៉ាវពិតដ៏ខ្លោចផ្សារបស់នារីវ័យក្មេងអាយុ ២៣ ឆ្នាំម្នាក់ នៅខេត្តសៀមរាប៖កាលរៀនថ្នាក់ទី១០ នាងមានជម្លោះវាយតប់ជាមួយមិត្តភក្តិ ហើយក៏បានឈប់រៀនដើម្បីរៀបការ។ ជាអកុសល ក្រោយសម្រាលកូនបាន ៤៥ ថ្ងៃ នាងបានគេងសង្កត់កូនប្រុសរបស់នាងស្លាប់ដោយអចេតនា។ ព្រោះតែភាពភ័យខ្លាច នាងបានយកសពកូនទៅកប់ទាំងយប់ រហូតមានការសង្ស័យ និងឈានដល់ការគាស់សពធ្វើកោសល្យវិច័យ និងឡើងតុលាការ។ ទោះបីជាតុលាការលើកលែងបទចោទប្រកាន់ ព្រោះនាងនិយាយត្រឡប់ត្រឡិនមិនដឹងរឿងរ៉ាវក៏ដោយ ប៉ុន្តែស្រមោលអតីតកាល និងវិបត្តិផ្លូវចិត្តនៅតែតាមលងបន្លាចនាងជានិច្ច។ក្រោយត្រឡប់មកពីធ្វើការនៅប្រទេសថៃ និងសម្រាលកូនទី២ រោគសញ្ញាចិត្តវិកលរបស់នាងបានរំខានយ៉ាងខ្លាំងនៅក្នុងអំឡុងខែមីនា ឆ្នាំ២០២៦។ នាងនិយាយម្នាក់ឯងឥតឈប់ ខ្លឹមសារត្រឡប់ត្រឡិន មិនដឹងខុសត្រូវ និងមិនពាក់ព័ន្ធនឹងការពិត (ជឿថានាងបានជួបតារាកូរ៉េ និងដិតដាមនឹងអាវសិស្សវិទ្យាល័យ)។ ការព្យាបាលនៅមណ្ឌលសុខភាពហាក់មិនមានភាពធូរស្បើយ
![[English Below]](https://raksakoma.org/wp-content/uploads/2026/10/864934320_1530341689126673_8039371573365083767_n-12-770x430.jpg)
