នៅរសៀលថ្ងៃពុធ ទី ១៤ ខែធ្នូ ឆ្នាំ ២០១៦ លោកជំទាវ ជា សិរី ស្ថាបនិកមូលនិធិរក្សារកុមារ បានចូលរួមក្នុងពិធីអបអរសាទរការវះកាត់បេះដូងបាន ១០០ ករណីនៅមជ្ឈមណ្ឌលវេជ្ជសាស្រ្តហេប្រុន ដែលជាមជ្ឈមណ្ឌលទទួលបានការឧបត្ថម្ភពីមូលនិធិរក្សារកុមារជាប្រចាំ។ ជាមួយគ្នានេះដែរ លោកជំទាវក៏បានឧបត្ថម្ភថវិកាមួយចំនួន ជូនក្រុមគ្រួសារដែលទទួលការវះកាត់បេះដូង ដើម្បីជួយសម្រួលដល់ការហូបចុក និងការធ្វេីដំណេីរ ហេីយលោកជំទាវសង្ឃឹមយ៉ាងមុតមាំថា គ្រាប់ពូជដែលមជ្ឈមណ្ឌលវេជ្ជសាស្រ្តហេប្រុនបានសាបព្រួសនៅក្នុងបេះដូងរបស់កុមារទាំងនេះ នឹងដុះលូតលាស់នៅថ្ងៃអនាគត។ ដល់ពេលនោះ ពួកគាត់នឹងអាចជួយជនក្រីក្រ និងខ្វះខាតដទៃទៀត មិនត្រឹមតែនៅកម្ពុជាប៉ុណ្ណោះទេ ប៉ុន្តែនៅជុំវិញពិភពលោកផងដែរ។On Wednesday afternoon, 14th December 2016, H.E. Chea Serey, founder of Raksa Koma
