ថ្ងៃទី ១៣ ខែសីហា ឆ្នាំ ២០១៧ មូលនិធិរក្សាកុមារ បានឧបត្ថមអង្គការ HOPE Cambodia ដេីម្បីប្រារព្ធធ្វេីកម្មវិធីពិនិត្យ ត្រចៀកជូន កុមារកំព្រាចំនួន ៥០ នាក់ នៅអង្គការបេសកកម្ម សុខមាលភាពសង្គមកម្ពុជា។ អង្គការបេសកកម្ម សុខមាលភាពសង្គមកម្ពុជា ត្រូវបានចាត់ទុកជាគ្រួសារធំមួយ ដែលទទួលយកក្មេងកំព្រាមកចិញ្ចឹម ដេីម្បីឲ្យពួកគាត់ទទួលបានការសិក្សានៅសាលារដ្ឋ ការសិក្សាភាសាបរទេស និងជំនាញផ្សេងៗនៅក្នុងអង្គការ ដេីម្បីយកទៅប្រកបមុខរបរចិញ្ចឹមជិវិត។ ដេីម្បីជួយសម្រួលការលំបាករបស់អង្គការបេសកកម្ម សុខមាលភាពសង្គមកម្ពុជា ក្នុងការធានារ៉ាប់រងចិញ្ចឹមកុមារកំព្រា លោកជំទាវ ជា សិរី ក៏បានមានប្រសាសន៍ ផ្តល់ជាយោបល់ដល់ប្រធានអង្គការ ក្នុងការបង្កេីតក្រុមហ៊ុនធ្វើអនាម័យតាមផ្ទះ និងកន្លែងធ្វេីការផ្សេងៗ ការងារជួសជុលផ្ទះងាយៗ សំរាប់យុវជនដែលមានជំនាញតិច ផ្តល់ការងារដល់ក្មេងដែលមានអាយុអាចធ្វេីការបាន លេីសពីនេះទៅទៀត លោកជំទាវ នឹងជួយឧបត្ថមដល់អង្គការ និងជួយកុមារកំព្រាដែលទទួលបានជំនាញវិជ្ជាជីវៈ ឲ្យទទួលបានការងារធ្វេីផងដែរ ៕
Follow us on Facebook & Instagram